المساعد الشخصي الرقمي

مشاهدة النسخة كاملة : من جد القصيده ( كذا ) وهذا هو الواقع .. بس مو كل البنات ..

stccom
10-03-2007, 04:33 AM
قصيده اعجبتني:

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

3.
طالعتها ثـم قلـت هالقلـب يبغيـك
ومن شاف حسنك خلى غيرك يولـي

4.
ابغي اشوفـك دون مكيـاج يكسيـك
وابغـي اشوفـك بالجمـال المحلـي

5.
قالت تبينـي افـرك الوجـه تفريـك
واشيل هالبـودر وروجـي وكحلـي

6.
قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي
:1057:
عبير الورد
10-03-2007, 08:28 AM
قصيده جميله جداً اخي الفاضل


وبالفعل تجسد حقيقه نعيشها في زمننا الحاضر


ولكن لوإنجذب كاتب القصيده للجمال الداخلي لحبيبته


لما شعر بكل تلك المراره عند ظهورها بغير مكياج


فجمال الروح هو الجمال الحقيقي الذي لا يمكن أن تغيره مساحيق أو غيرها


الف شكر لك على النقل


وتقبل تحيتي المعطره بعبير الورد ,,




\
/
\


[Only Registered Users Can See Links]
stccom
10-04-2007, 05:13 AM
اشكرك على الرد ياعبير الورد .. واتمنى لك التوفيق
عااازف
10-04-2007, 08:33 PM
stccom
القصيدة معبرة اخي الكريم وعتبي على الشاعر
انه حب الجمال دون الروح وهذا حب سرعان مايذوب ويذهب
ولا يبقى الا جمال الروح فهو ثابت لايتغير ولايذوب
ولذلك قيل ان الاذن تعشق قبل العين احيانا
تقبل تقديري

عااازف
stccom
10-05-2007, 03:16 AM
اشكرك اخي عازف على الرد .. تحياتي
واصــل
10-05-2007, 02:34 PM
مشكووووور أخوي على القصيدة ..

والحب في الجوهر وليس في المظهر ..

لإن المظاهر خداعة وكلها صبغات وأحمر وأصفر ..

وتحتها حفر ومطبات وشقوق ..


*
*
*

مغليكم واصل
stccom
10-06-2007, 03:25 AM
شكرا اخوي واصل على الرد